جنگ میڈیا گروپ کے بانی میرکارواں میر خلیل الرحمان کے بڑے صاحبزادے میر جاوید الرحمان کراچی کے اسپتال میں زیر علاج تھے جہاں ڈاکٹرز نے ان کو کینسر کی تشخیص کی تھی۔ شدید علالت کے بعد چیئر مین جنگ گروپ میر جاوید الرحمان آج رضائے الِہی سے انتقال کر گئے
Geo.tv
سچ اور آزادی اظہار رائے کے پیروکار
میرجاویدالرحمان کو اپنے والد کی طرف سے سچ اور آزادی اظہار رائے جیسا جوش و جذبہ وراثت میں ملا۔ میرجاوید الرحمان کی رہ نمائی اور سربراہی میں جنگ گروپ پاکستان کا سب سے بڑا میڈیا گروپ بن کر ابھرا جس کے تحت کئی اخبارات، رسائل اور ٹی وی چینلز کام کررہے ہیں۔
How sad. Mir Javed Rehman passed away. Very soft spoken and nice man. Had known him and his family all my life. Talked to family yesterday to find out about his health. May Allah give them the strength to bear this loss.
انناللہ وإنا إليه راجعون— Dr. Arif Alvi (@ArifAlvi) March 31, 2020
انتہائی نرم لہجہ رکھنے والے انسان
دوسری جانب صدر مملکت عارف علوی نے جنگ گروپ کے چیئرمین و پبلشر میر جاوید الرحمان کے انتقال پر گہرے دکھ اور افسوس کا اظہار کیا ہے۔ صدر مملکت نے مرحوم کے بلند درجات کے لیے دعا بھی فرمائی۔ ان کا کہنا تھا کہ میر جاوید الرحمان انتہائی نرم لہجہ رکھنے والے اور اچھے انسان تھے۔
Sad to learn about the passing away of Mir Javed-ur-Rehman. His services to country's journalism will be remembered for a long time to come. May Allah rest his soul in peace. My deepest condolences to the bereaved family!
إِنَّا لِلَّٰهِ وَإِنَّا إِلَيْهِ رَاجِعُونَ
— Shehbaz Sharif (Stay at home to stay safe) (@CMShehbaz) March 31, 2020
مزید پڑحیے:جنگ اور جیو نیوز کے ایڈیٹر انچیف میر شکیل الرحمان کی گرفتاری ہائیکورٹ میں چیلنج
میر جاوید الرحمان کے انتقال پر شہباز شریف کا اظہار افسوس
اس موقع پر مسلم لیگ ن کے صدر اور قائد حزب اختلاف شہباز شریف نے میر جاوید الرحمان کے انتقال پر اظہار افسوس کرتے ہوئے کہا کہ میرجاوید الرحمان نے میرصحافت میرخلیل الرحمان کی علمی و قلمی میراث کو شاندار انداز میں نبھایا ہےاور ان کے جانے سے جو خلا پیدا ہوا ہے اس کا بھرنا ممکن نہیں، اللہ تعالٰی انہیں اپنے جوار رحمت میں اعلیٰ مقام عطا فرمائے۔
اس کے علاوہ چیئرمین پیپلزپارٹی بلاول بھٹو زرداری، جے یو آئی کے امیر مولانا فضل الرحمان، ایم کیوایم پاکستان کے سربراہ خالد مقبول صدیقی، امیر جماعت اسلامی سراج الحق سمیت دیگر طبقہ فکر سے تعلق رکھنے والے افراد نے گہرے دکھ اور افسوس کا اظہار کیا ہے۔
