وطن کے ہیروز کے لیے سفید جھنڈے لہرائیں اور گانے گائیں
مہلک کورونا وائرس کے خلاف جنگ لڑنے والے وطن کے ہیروز ملک بھر کے ڈاکٹرز، نرسز اور طبی عملے کو آج سفید جھنڈے لہرا کر خراجِ تحسین پیش کیا جا رہا ہے۔ اس موقع پر پاکستان شوبز انڈسٹری کے ستاروں اور قومی کھلاڑیوں کی جانب سے بھی خطرناک وائرس کے خلاف خدمات سرانجام دینے والے ان ہیروز کو سلام پیش کیا گیا ہے۔
دوسروں کی خاطر خود کو خطرے میں ڈالنے والے ڈاکٹرز، نرسز اور طبی شعبے سے وابستہ افراد کو خراج تحسین پیش کرنے کے لیے ملک بھر میں آج شام 6 بجے سفید پرچم لہرائے جائیں گے اور سب مل کر گانا گائیں گے۔
We salute all our doctors, nurses, paramedics & health officials who are at the forefront of the battle against coronavirus. Let's show them lots of love tomorrow, Friday March 27th, 6PM by coming out to our terraces and rooftops and waving a white flag. Pakistan Zindabad! pic.twitter.com/OeBg1aQ7dX
— Humayun Saeed (@iamhumayunsaeed) March 26, 2020
ہمائیوں سعید اور عدنان صدیقی کا وطن کے ہیروز کے نام پیغام
معروف اداکار ہمایوں سعید اور عدنان صدیقی نے بھی پاکستان کے ڈاکٹرز، پیرا میڈکس، نرسز اور شعبہ صحت میں کام کرنے والے تمام لوگوں کو خراج تحسین پیش کرتے ہوئے کہا کہ اس مشکل گھڑی میں شعبہ صحت سے متعلق ہر شخص کو وہ سیلوٹ پیش کرتے ہیں ۔ کیوں کہ ڈاکٹر اس قوم کے مسیحا ہیں اور ہمیں تم سے پیار ہے۔ انہوں نے اپنے پیغام میں قوم سے درخواست کی کہ آج شام اپنے گھر کی چھتوں پر سفید جھنڈہ لہرائیں اور وقت کے ان مسیحاؤں کو پیغام دیں کہ یہی ہمارے اصل ہیروز ہیں۔
Mr & Mrs. @wasimakramlive salute Doctors, Nurses, Paramedics and Healthcare workers and request to raise white flags for them from the roof at 6 o'clock for all the hard work they are doing for the people of Pakistan.
VC: Wasim Akram#Cricket #Pakistan #WasimAkram #COVID19 pic.twitter.com/Px4on1aiGn
— Khel Shel (@khelshel) March 26, 2020
مسیحاؤں کو وسیم اکرم کا سلام
کورونا وائرس کے خلاف اس جنگ میں کرکٹرز بھی عوام کے شانہ بشانہ ہیں اور آگاہی مہم کے ساتھ شعبہ صحت سے متعلق افراد کا اپنے پیغامات کے ذریعے حوصلہ و ہمت بھی بڑھارہے ہیں۔ سوشل میڈیا ویب سائٹ ٹوئٹر پر اپنے پیغام میں وسیم اکرم اور ان کی اہلیہ نے قوم کے مسیحاوں کو سلام پیش کرتے ہوئے کہا کہ تم ہی اس قوم کے مسیحا ہو۔
Ahmad Shahzad pays tribute to all the healthcare workers of Pakistan during this critical situation. He's also rrequesting the nation to gather on their terraces tomorrow at 6pm to salute them with white flags ! ?@iamAhmadshahzad @isanaahmad pic.twitter.com/oGfZGMxbwx
— @fiza_shahzadian19 (@fiza_pirzada19) March 26, 2020
مزید پڑھیے: کورونا سے بچاؤ کے لیے آگاہی،علی ظفر کا انوکھاانداز
احمد شہزاد کا خراج تحسین
قومی کھلاڑی احمد شہزاد نے بھی ڈاکٹرز، پیرا میڈکس، نرسز اور شعبہ صحت میں کام کرنے والے تمام لوگوں کے حوصلے اور جرات کو سلام پیش کرتے ہوئے درخواست کی کہ عوام آج اپنی چھتوں پر سفید جھنڈے لہرا کر ان مسیحاوں کو اپنا پیغام پہنچائیں کہ اس مشکل گھڑی میں یہی ہمارے اصل ہیروز ہیں۔
واضح رہے پاکستان میں کورونا وائرس سے ہلاکتوں کی تعداد 9 ہو چکی ہے جن میں سے پنجاب میں 3، خیبرپختونخوا میں 3 جب کہ سندھ، بلوچستان اور گلگت بلتستان میں ایک ایک ہلاکت رپورٹ ہوئی ہے جبکہ مزید کیسز سامنے آنے کے بعد متاثرہ افراد کی تعداد 1246تک جا پہنچی ہے۔
